Քստմնելի
Քստմնելի նշանակում է սոսկում առաջ բերող, սարսռեցնող, «Նա հուզված դիտում էր ճակատամարտի դաշտը կամ երբեմն փակում աչքերը, որ չտեսնի քստմնելի տեսարաններ», Ստեփան Զորյան
Քսու
Քսուն խոսք տանող- բերող, գաղտնի չարախոսությամբ ատելություն սերմանող անձնավորություն է, բանսարկու, «Թող կախվեմ, եթե մի պիղծ սրիկա, քսու, բանսարկու մի թշվառական, որևէ պաշտոն շահելու համար` այս զրպարտանքը սարքած չլինի», Շեքսպիր
Տամուկ
Տամուկ– խոնավ, թաց, «Քաղաքից բերող-տանող ճանապարհը փոքր-ինչ տամուկ էր», Սերո Խանզադյան
Փսլինք
Փսլինք– մարդկանց և կենդանիների բերանից վազող հեղուկ, լորձունք
Փսլնքոտ– շատ փսլինք ունեցող, «Նոտարի մատենավարին Եփրեմն անվանեց փսլնքոտ», Ակսել Բակունց