Ես ընկերուհի ունեմ, որի մայրիկը մահացել էր, ու նրա հայրը երկրորդ անգամ ամուսնացել էր: Իսկ տարրական դասարաններում էլ հաճախ են տալիս երեխաներին գրել մոր մասին շարադրություն: Երբ մենք երրորդ դասարան էինք՝ գրեցինք մեր առաջին շարադրությունը «Մայրիկ» վերնագրով:
Իմ ընկերուհին իր շարադրությունում գրել էր. «Ես երկու մայրիկ ունեմ ու երկուսին էլ սիրում եմ: Իմ իսկական մայրը մահացել է այն ժամանակ, երբ ես փոքր եմ եղել, և հայրս ուրիշ մայրիկ է բերել: Ես իմ մայրիկին շատ եմ կարոտում: Բայց երկու մայրիկ ունենալն էլ է լավ: Ինձ երկու բարի մայրերի աչքեր են նայում` մեկը վերևից, մյուսը՝ ներքևից: Որ ես քնում եմ՝ ինձ երկու մայրիկների ձեռքեր են ծածկում: Ես իմ մայրիկին չեմ հիշում, բայց շատ եմ կարոտում: Շատ եմ ուզում, որ բոլոր երեխաների նման իմ մայրիկն էլ ինձ հետ լինի»:
Ավարտելուց հետո նա դրեց տետրն ու սկսեց լաց լինել: ՈՒսուցչուհին նրան դուրս տարավ, որ հանգստացնի: Դասամիջոցին մենք մոտեցանք նրան, իսկ նա մեզ ասաց, որ ուզում է իսկական մայրիկ ունենալ, որը նրան դպրոց կբերի ու դպրոցից տուն կտանի:
Մենք շատ զարմացանք, թե ինչպես չէինք նկատել նրա թախծոտ հայացքը: Երբ ծնողական ժողովին բոլորի մայրերը գալիս էին, ու բոլորս ուրախ վազում էինք մեր մայրերի մոտ՝ նա տխուր հայացքով նայում էր մեզ: Նա այդքան էլ տխուր աղջիկ չէր, ուղղակի իսկական մոր, ջերմության ու քնքշանքի կարիքը շատ ուներ, իսկ երկրորդ մայրը այդ ամենը չէր կարող տալ:
Այդ օրվանից մենք նրա հանդեպ ավելի հոգատար դարձանք, նրան մենակ չէինք թողնում ու մայրերի մասին չէինք խոսում:
Իսկ Անահիտ ջան, ինչո՞ւ ես կարծում, որ խորթ մայրը չէր կարող նույնը նրան տալ։ Իհարկե մեծ վիշտ է մորը այդքան վաղ կորցնելը, սակայն կարծում եմ, որ նոր մայրը կարող էր նույն ուշադրությունը ցուցաբերել։
LikeLike
Շատ ցավալի բան է, երբ հարազատ մորտ կորցնում ես, նա ասում էր, որ սիրում էր նաև խորթ մորը, միշտ նշնում էր այդ մասին շարադրության մեջ: Բայց նրա համար մեկ է թե իր երկրորդ մայրը իրեն ոնց կնայի, քանի որ նա միշտ էլ կուզենար իր հարազատ մայրը իր կողքին լինի:
LikeLike
Իհարկե ոչ մի բան չի կարող փոխարինել հարազատ մորն, բայց եթե խորթ մայրը քեզ լավ է վերաբերվում, ապա կարելի է ուրախ լինել ու սիրել նրան հարազատի նման: Իսկ ինչ հարաբերությունների մեջ էին նրանք?
LikeLike
Խորթ մայրը շատ հոգատար էր,ու նրան տալիս էր սեր ու ջերմություն,սակայն հարազատ մոր տված սերն ու ջերմությունն անփոխարինելի են:
LikeLike
Իհարկե անփոխարինելի, հարազատ մոր դերը ոչ ոք չի կարող փոխարինել, նույնիսկ եթե շատ լավ վերաբերվեն:
LikeLike
hianali ban eq grel s huzveci sa kardaluc
LikeLike
😦
LikeLike
xosqer chka
LikeLike
Shat taxcali patmutyun e , nuyisk lacs ekav .
Ayo shat cavali e mor@ korcnel@, isk aveli vat`manuk hasakum.
Es nuynpes unem ayd chakatagrin arjanacac @nkeruhi…
LikeLike